السيارة نانو ايجيبت Nano Egypt Car: "نانو إيجيبت"

الجمعة، 2 سبتمبر 2011

"نانو إيجيبت"

أول صورة لـ"نانو إيجيبت"

أثارت السيارة "نانو إيجيبت" التي تم الإعلان عن إنتاجها محليا بعدما تردد أنها صينية ضجة كبيرة نظرا لسعرها المنخفض ولكونها مصرية 100% كما أعلنت الشركة المنتجة لها.

فعلى غرار "تاتا نانو" الهندية صاحبة لقب أرخص سيارة في العالم أعلن المهندس رضا غازي رئيس مجلس إدارة المصرية للاستيراد الوكيل الوحيد للسيارة التي تم صنعها في شركة "حلوان ومحركات الديزل" أن "نانو إيجيبت" سيارة مصرية 100% وتعتبر الأرخص في العالم لأن سعرها لا يتجاوز 25 ألف جنيه.

ومنذ أن نشرنا خبرين عن السيارة وردود الأفعال لم تنقطع للاستفسار عن مميزات السيارة وسعرها وقطع غيارها وكل شئ عنها ، إلى أن اتصل بنا أحد المهندسين العاملين بالشركة الموزعة للسيارة في مدينة طنطا وأمدنا بكافة التفاصيل عن "نانو إيجيبت" بما فيها أول صورة للسيارة المصرية!

اولا العربية بتصميم وافكار مصرية لكن مصنعة في الصين لعدم تعاون المصانع المصرية للانتاج المصري

ثانيا سعر العربية 25 الف جنية مصري وممكن تقسيطها عن طريق بنك ناصر بمقدم 5000 وقسط شهري 350 جنية وكل ده بصورة البطاقة ووصل النور فقط

ثالثا العربية مصممة بطريقة فعلا انها تلائم الطرق المصرية والمستهلك المصري ومن اهم المميزات اللي في العربية

1 – العربية بتقدر تستحمل اعلي درجات الحرارة بدون ما الماتور يسخن لان ماتور العربية من ورا وليها ردياتير بمروحة من قدام يعني دورة المياة اللي داخلة للماتور باردة لذلك العربية مبتسخنش

2 – العربية كلها مصنعة من الحديد وللتوضيح ان مثيلتها الهندية مصنوعة من البلاستيك والفيبر لكن نانو ايجبت مصنوعة كلها من الصاج حتي الاكصدامات من الصاج وعلي فكرة صاج تقيل مش زي اللي موجود دلوقتي في العربيات الحديثة

3 –العربية عالية عن الارض علشان متتأثرش بالمطبات

4 _فيها كاوتش بيلحم نفسو بنفسو

5 –العربية منظرها جميل وصغيرة وواسعة من جوا

6-الماتور 650 سي سي واحد سلندر والسرعة القصوي 80 او 90 كم/ س بعكس مثيلتها نانو الهندية 625 سي سي اتنين سلندر وسرعتها القصوي 70 كم/ س وكمان اللي جربو العربية قالو انها في السفر بتوصل ل 100 كم/ س

7-العربية بدون اسبراتير لانها واحد سلندر يعني مفيهاش اعطال الكهربا وكمان بدون سيور يعني مفيهاش اعطال قطع سيور الماتور

8 –العربية بتستهلك 1 لتر بنزين لكل 30 كلم

ودي يعتبر اهم مميزات العربية